بِعِدنا لية- للشاعر محمد خالد- مجلة سحر الروايات

قصيدة #بِـعِدنا_لية..!🖤
الشاعر/محمد_خالد
ملعونه فرحه البدايات
جعلتنا جنه ف عيون بعض
خلتنا نتجاهل احتماليه
وجود شئ اسمه بعد

ظهرت عيوبك تدريجيا
وخليتيني اشك ف حبك
وبدات تصرفاتك تبين
انك ملّيتي وجودي جنبك

بقينا نتجاهل
ويقل كلامنا
بقينا نتساهل
ويقل اهتمامنا

وفجاه...
لقيت البعد بيدق بابي
ويعلن نهايه القصه
اللي كاد تكون مبداتش لسه

العيب كان فينا
مش ف البعد
كان كل شئ بايدينا
واحنا ويا بعض

كان ممكن يحصل بينا اتفاق
او ع الاقل منبقاش مختلفين
كان ممكن منعيشش الفراق
ونفضل ك روحين مرتبطين

كان جايز بالوقت نكون أحسن
ونكون من بعض قريبين
افترقنا وكان بدري الأوان
بدون أسباب صريحه
طريقنا صبح بدون عنوان
و قلوبنا صبحت جريحه

مجاش ولا مره ف بالي
ان يجي يوم وتسيبيني
كان شئ ابعد من خيالي
ان يجي يوم وتنسيني

فقدت معاكي ضحكي وسعادتي
فقدت كل حاجه حلوه كنتي سببها
من بعدِك بان عليّا حزني ف مرايتي
وف بعادِك ردِّت السعاده بابها

نقصت حكايات الحب حكايه
والدنيا فقدت قصه عشق
قلبي عاش معاكي احساس
اول مره يحب بصدق

انا كنت لكني خلاص مبقتش
ووجودي كان حاجه متحستش
واستنيتك ف يوم تحنّي
بس لقيتني م البدايه متحبتش.. 🖤