سحر الروايات تكتب: مبتغرش-قصيدة للشاعر علي النميري نصار-مجلة سحر الروايات

اسم القصيده "مبتغرش "

لـ علي النميري نصار

مبتغرش ولا زهقان
ولا خايف من الايام
ولا بعمل حساب للحزن
ولا مستني حد مجاش
وعايش دنيتي وخلاص

وشايف اني فرحي مجاش
ولا عندي جروح تتلم
ولا قاعد انادي الحلم
وماشيه الدنيا كده عادي
وراضي ليها ومسلم
ومش زعلان وبتكلم
ولا ندمان وبتألم
ولا بعتب بعزة نفس
ولا بهزار ولا بالجد
وعارف بكره هيعدي
ده مهما يكون كده معبي

مأاااامن للنصيب والرب
ومش عايش عشان الحب
ولا قلقان ولا انا في كرب
وبحمد ربنا وبشكر

وعارف اني كده هوصل
وحالف حلمي يتحقق
ومش سامع كلام الناس
ورامي وداني للوسواس
ولا بتغر وأتكبر

ده بيتي هيبقا متر في متر
واسمي عليه كده بره
بخط عريض ، هكون مرحمو

يارب ارزقني بالجنه
انا عبدك وكلي ذنوب
يارب ارحمني واغفرلي 
وانا تحت التراب موجود
وونس وحدتي جنه
وابعد عني نار حاميه

#علي_نصار

2020/3/15