اتنين عاشقين- للشاعر إبراهيم البغدادي- مجلة سحر الروايات

قصيدة " اتنين عاشقين"
الشاعر/إبراهيم البغدادي
كله بينسي
كله بيستسهل كم كبير من حل ملوش فايدة كبيرة
فشل العلاقات بوح السيرة
مين خان العهد وعرف ناس والناس بتعرف ناس تانية
علاقتنا بجد بقت خاينة
كدبة وعدت
وكمان كدبة
وكمان تفاصيل فيها ظلم كبير
والكدبة الأكبر ف التبرير
والناس بتصدق تبريرهم
مين ركز بس ف تفكيرهم
مين اول واحد قال ف وعود
ولا حاول مرة ف تغييرهم
مين اللي اتخان
مين الخاين
مين اول واحد كان صاين
قلبك ممكن
قلبي اكيد
مين زين قلبه ب كام تجاعيد
وادعي تفاصيل مش موجودة
مين قال علاقتنا دي محدودة
وف مرة يفكر يصارحني
انا اول واحد ينسي الناس بمجرد كلمة تجرحني
مين فرحني
مين اول واحد قالي معاك
وف ثانية اتقلبت حكاياته
مين اول واحد قال وياك
وادعي بظروفه و رواياته
مين باقي علي القصة مابينا
علي كم فصول بنعيش نحكيها لبعض ساعات
مين اول واحد سابني ومات
وتركني لوحدي مع الايام
مين فكر مرة ان الأحلام بتضيع وقتك ساعة النوم
اتفضل قوم
واهو شوف الدنيا و لو ثانية
طلعت فانية
طلعت ف الاخر حلم كبير مفيهوش أجزاء فعلا تانية.. 💙🖤