سحر الروايات تكتب: قصيدة وردة- للشاعر محمد خالد

قصيدة "وردة"
الشاعر/محمد خالد
يا اجمل ورده ف بستان
مفيش احلي من رقّتك
جيت اوصف للجمال عنوان
ملقيتش اجمل من ضحكتك
جيت اوصف للسعاده زمان
مفيش غير وقت طلّتك

يا شمعه منوره وسط الضلمه
يا قمر ساطع ف السما
طبيعي اكتب عن الجمال
ف وجودك يا اجمل ملهمه
يا فرحه بكل تفاصيلك
الحياه بدونك مؤلمه

نص جمالك ف عيونك
والنص التاني ف بسمتك
كل جمال الحياه بمتاعها
مش أد جمال ضحكتك

يا رواية مليانه احداث
اقتصرت بطولتها فيكي
واذا عوزت اقراها واستوعب
مبلقاش سبيل غير عنيكي

انتي...
ك فرحه اب ب مولود جديد
ك قطعه ماس غاليه قيمتها
ك فرحه لمّه يوم العيد
ك عاده جميله جدا حبيتها

مفيش حروف توصفك
ولا كلام يوصف جمالك
الجمال اتولد بميلادك
و الحلاوه ك طفل ف عيالك

يا احلي تفصيله ف العالم
جمالك من كوكب تاني
واذا عشنا حياتنا بدونك
يبقي ساعتها الجمال فاني
يا احلي لقطه ف العمر
يا نغمه صنعتها ب الحاني
يا حلوه بكل ما فيكي
يا شمس شروقها عنواني

ربنا جعلك ايه ف الجمال
ودليل علي عظمه خلقه وابداعه
مهما الكلام فيكي اتقال
مش هوفّي جمالك ربع ارباعه

مش ببالغ ف وصفك
ولا بعطيكي حقك زياده
وهقولك حاجه صدقيني
 هتحبي نفسك اكتر
اذا شوفتي نفسك بعيني

معدش فيه حروف تكفي وصف
ومش لاقي كلام يتقال
كان قليل 28 حرف
لوصف جمالك ي اصل الجمال...❤💜