رواية( حلمي العاصي) -الفصلين الثالث والرابع- بقلم ندا فرج سعد - مجلة سحر الروايات
حلمي العاصي-البارت الثالث
في اليوم التالي....
12/3/2020
في محل أسماك صغير علي الشاطئ...
ينظف الأسماك ويرتبها كل صنف معاا ليهتف صوته بنبرة خبيثة
السلام عليكم ياعز ازيك
عزالدين بابتسامة:وعليكم السلام آهلااااا أبو كمال تعالي
كمال: لا مالوش لزومة عشان ريحة السمك وهدومي بقا ماتتظفرش انا كنت جاي أبارك لعاصي
عزالدين: الله يبارك فيك ومبروك لرائف
كمال: اا وانت اكيد هتقدمله آلسون انا سمعت انه كان عايز يقدم فيها بعد الثانوية
عزالدين بحزن وحرج: ااا احم لا انا مش..مش هقدم لعاصي في آلسون
كمال بنظرات استغراب مصتنعة: اي! ليه بس ياعز طالما الولد عايز كدا ومجموعه عالي ليه تحرمه
عز بحزن: ماانت عارف ياكمال آلسون غالية وانا مش قد مصارفها
كمال بشماتة: اه صحيح نسيت ان آلسون مش ل اللي علي قد حالهم وانت يعني ربنا معاك محل السمك يدووب بيكفي شربكم وآكلكم
عز بحرج: اا يعني الواحد هيقول اي الحمدلله علي كل حال
يأتي رجلآن ليصدح صوتهما بتحية: السلام عليكم عاش من شافكم ازيك ياعز ازيك ياكمال
عز: وعليكم السلام ورحمة الله وبركاته أهلاا ياسالم أهلاا ياحج يحيي
كمال بخبث: جيتوا في وقتكوا والله تعالوا شوفوا يرضيكوا اللي عز بيعمله دا
الحج يحيي: خير ياكمال في اي؟
كماال: عاصي جاب 99%
يحيي وسالم: ماشاء الله الف الف مبروك
سالم: اومال رائف جاب كام؟
كمال بحرج: اا رائف ااا جاب ااا 79%
يحيي: اهاا يلا مش وحش الف مبروك ليه بس ليه ماشدش حيله كدا زي ابن عمه دا حتي عاصي ماكانش بياخد دروس انما رائف كان بياخد في كل المواد وعند احسن المدرسين
سالم: اه والله ليه يجيب مجموع زي دا كان لازم يتعلم من ابن عمه شوية الصراحة ياكمال رائف مقصر اووي وانت دلعته
عزالدين: ياحج يحيي ياسالم ياابني رائف كان بيذاكر بس في الآخر كله بيبقي توفيق من عند ربنا ناس بتتوفق وناس لاء
كمال بحرج: اااا انا ااا اتاخرت اووي هبقي اشوفكوا وقت تاني يلا عند اذنكوا
الثلاثة: اذنك معاك اتفضل
يمشي ويستشيط غضباا وغيظاا بدلا من ان يهزء بعزالدين أمامهم هزءوا هم به بسبب ابنه
_____________________________
بتلبس ورايح فين ياعاصي؟
هتفت بتلك الكلمات بتساؤل وهي تراه يجهز نفسه بااناقة
عاصي: كنت هروح اشتغل مع بابا بس عرفت ان آدم ابن عمو فايز بقي بيشتغل معاه في المحل فهنزل اشوف شغل تاني برا ع الطرق
عيشة: ليه ياحبيبي ماتخليك انت تعبت في ثانوي وخاسس خالص ارتاح الكام شهر اللي قبل الكلية دول عشان تبقي بعافيتك
عاصي: ماتخافيش ياماما انا كويس بعدين تجارة مش ببلاش يعني ماهي بفلوس برضوا وانا اصلاا عايز اشتغل....يلا بقا سلام عشان امشي
عيشة: سلام ياجبيبي
يرتدي حذائه ليمد يده لفتح الباب ليراها أمامه
عاصي باستغراب: مني!
مني بخجل: ازيك ياعاصي
عاصي: الحمدلله اي اللي جابك بدري كدا وماقولتليش صحيح عملتي اي فالشهادة
مني: الحمدلله نجحت
عاصي: الف مبروك يامونمون
مني: وكنت جاية عشان اباركلك انت جبت مجموع حلو اووي ياعاصي
عاصي بابتسامة: عقبال ياموني عايزك تشدي حيلك كدا
مني بخجل: حاضر
عاصي: ادخلي انتي وانا ماشي عشان ورايا مشوار
مني: لا انا ماشية انا كنت جاية اباركلك بس
عاصي بابتسامة شرحت صدرها: ماشي ياستي تعالي اوصلك في طريقي
مني بخجل: ماشي
_________________________
انت سبب كل دا انا هموتك وأخلص منك محدش غيرك حاطط رأسي في الأرض ياابن ميرفت
ميرفت بعصبية: هو اي ابن ميرفت ياكمال وانا قولتله ماتذاكرش وهات درجة وحشة
كمال: ايواااا انتي اللي دلعتيه بالفلوس كنت بتديله وتخرجيه وتلبسيه عشان تغيظي عيشة لما بوظتيه
رائف ببكاء: خلاص والله انا اسف انا والله كنت بذاكر اهي اهي
كمال: كنت بتذاكر فين ياك... دا انا هشرب من دمك ان مام.....
يصمت ليستمع لصوت ضحكاتهم تحت البناية
يتجه حيث الشرفة يدلف اليه ليري ابنته بصحبته تضحك بتسكع لتستشيط شياطينه
تحت البناية.....
مني: ههههههه صاحبك دا اهبل اووي ازاي يبرشم علي كعب رجله
عاصي: بس برافو عليه اهو عرف يغش هههههه يلا اطلعي انتي وانا ماشي
مني: ماشي سلام
عاصي: سلام
يودعها ليكمل طريقه نحو غاية جديدة
تصعد الدرجات بسعادة لتدق الباب بمرح
يتجه نحو الباب يفتحه وهو خلفه لتدلف بسعادة ولا تشعر بشئ الا وأحدهم يجذبها من خصلات شعرها بقوة وعنف
كمال جاذبا اياه من خصلات شعرها: ماشية تتسرمحي مع ابن عز ياصايعة
مني بألم وبكاء: اههاا يابابا انا كنت بباركله بس وهو كان رايح مشوار فوصلني لهنا
كمال بغضب: تباركيله علي اي ياروح... علي انه جاب أعلي من أخوكي اللي حط راسنا في الطين يابنت الك....
مني ببكاء: معلش يابابا انا اسفة اهاااا
كمال مشددا قبضته علي شعرها: عارفة يابت ان كلمتي الواد دا تاني ولا شوفتك معاه لأكون قتلك
مني: اهاا حاضر يابابا خلاص والله
كمال بصفعة: يلاا غوري من وشي يلااا
لتركض نحو غرفتها ببكاء وهي تمسك بخصلات شعرها التي اقتلعت بيده
كمال بغل: خليتوا الفقير اللي محليتوش حاجة بعد ماكنت دايس عليه بجزمتي بقا هو اللي دايس عليا ياولاد الك....
____________________________
هات ياعمو عز انا هغسله وانت روح ارتاح شوية
عز: خد ياآدم...بقولك اي
ادم: نعم
عز: والدك عامل اي دلوقت هو لسه محجوز في المستشفي
ادم ببعض الحزن: ايوا الدكاترة قالوا ان الرئة عندها مقفولة خالص وصدره تعبان فلازم يقعد هناك فترة
عز: ربنا معاه ان شاء الله يقوم بالسلامة ويرجع احسن من الاول
ادم: ان شاء الله
عز: ووالدتك عاملة اي؟ حالتها اتحسنت؟
ادم: بتاخد العلاج ويعني مرة يجيب نتيجة مرة لا هو مريض القلب كدا
عز: ربنا معاه ومعاك ياادم ياابني انت في سنة كام؟
أدم: السنة دي 2 كلية ان شاء الله هتدخل قسم إعلاآم
عز: ربنا معاك وان شاء الله نشوفك اعلامي قد الدنيا
ادم بابتسامة: من بوقك للسما ههههه
________________________
آدم فايز: شاب ذو 20 عاماا كلية صحافة واعلام والده "فايز" موظف بسيط بقطاع خاص في بداية الخمسينات من عمره مرض في الفترة الأخيرة وتم حجزه بالمستشفي
والدته "نجاة" امراءة طيبة في أول الأربعينات من عمرها تعمل مربية أطفال بإحدي الحضانات
______
.........................حلمي العاصي البارت الرابع
12/3/2020
هدفع بس يدخل آلسون
تمام،بس للمرة المليون بقولك ألسون صعبة ورأئف مش هيعرف يمشي فيها ياكامل
كامل: مش مهم زي مارشتكوا عشان تدخلوا هرشيكوا وتنجحوا
وانت ضامن انك تدفع علطول؟ بعدين انت كدا هتدفع كتيررر
كامل: انا معايا فلوس لو عشت أصرف فيها عمري كله...مش هتخلص
تمام يبقي اتفقنا هاتلي اوراقه بكراا
كمال بخبث: تمام اوووي
___________________________
في اليوم التالي.....
13/3/2020
لقيت شغل في مول كبير 3000 جنيه في الشهر
بجد ياعاصي؟!
عاصي بفرحة: بجد
لتتحول ملامحها للعبوس
عاصي باستغراب: في اي؟!
عيشة: أكيد هيشغلوك كتير و
عاصي: ماما انا مش صغير انا راجل
عيشة بحنان: ياحبيبي راجل وسيد الرجالة كمان بس انت ابني الوحيد عشان كدا بخاف عليك زيادة وانت محتاج راحة الفترة دي انت ناسي ايام الامتحانات لما كان بيغمي عليك والدكتور قال راحة تامة
عاصي بحنان ممسدا وجنتياها: حبيبتي ماتخافيش انا كويس والله وفي الشغل هخلي بالي من أكلي كمان ماتخافيش
عيشة: طيب ياعاصي براحتك
عاصي: هيييح انا خارج شوية وراجع
عيشة: علي فين؟
عاصي: هعدي علي رائف أخده ونلعب كرة ع البحر عشان بعد كدا مش هفضي خالص
عيشة: هههههه بتودعه يعني
عاصي متجهاا للباب: ههههه حاجة زي كدا يلا باي
عيشة بحب: باي ياحبة عيني
_________________________
علي البحر....
يلعبون الكرة بفريق مكون من 4 شباب من ذات العمر تقريباا ليهتف وهو يركض باتجاه الشبكة الوهمية التي يقف امامها رائف
كريم شوت الكرة
كريم مناولا اياها لعاصي: يلا ياهداف
ليشوط الكرة التي لم يستطع رائف صدها رغم أنه مدافع رائع بالكرة
كريم: وهوووووو شفت الجون دا ياادم حتي دفاعنا العظيم مش قد الهجام بتاعنا عاش ياابو تريكة ههههه
عاصي: هههههههه ابو تريكة مرة واحدة
ادم: اومال اي ياابني دا انت برنس الكرة
لينظر كريم الي رائف الذي يثير استغرابه هدوءه الزائد ليهتف مخرجاا اياه من شروده: هييي فيروو روحت فين؟
رائف: هاا ااا لاء معاكوا
ادم بسخرية: اه واضح اووي انك معانا
عاصي: يلاا نكمل ياشباب
رائف: انا مش لاعب
عاصي: ليه يا رائف خير فيك حاجة انت بقالك يومين مش عاجبني انت كويس؟؟
رائف: اهاا كويس
كريم: اي يارائف احنا لحقنا دا يدوب 4 ماتشات
آدم: رائف انت مش طبيعي لو فيك حاجة قول
رائف: ياجماعة انا كويس بس مني اللي سخنت امبارح شوية وكانت تعبانة ف قلقان عليها
عاصي بقلق: خلاص يلاا نروح وهاجي معاك اشوفها
رائف بسرعة: ااا لا لا هي بقيت كويسة بعدين هي مش في البيت راحت مع ماما عند واحدة صاحبتها
ادم: خلاص يافيروو روح شكلك مش في المود
رائف: سلاام
كريم: نبقي نيجي هنا بكرا في نفس الميعاد زي ماكنا بنعمل من واحنا صغير
عاصي: لاء ما انا نسيت اقولكوا
رائف: في اي؟
عاصي: انا لقيت شغل في مول....وهشتغل هناك 9 ساعات فمش هفضي
آدم: مبروك ياعصوو شغل المولات دا بيبقي مهلبية
لينهي كلامه بغمزة
رائف بثبات: مبروك الشغلانة ياعاصي انا هروح انا بقاا
عاصي: طيب يارائف جاي معاك نمشي سوا
يلا سلام ياكيمو سلام يا ادم
كريم: سلام ياصاحبي
_________________________
مالك ياادم مش علي بعضك
آدم: مفيش ياماما انا كويس بس قلقان شوية
نجاة: من اي ياحبيبي؟
آدم: هووووف مني بنت عمو كمال تعبانة شوية
نجاة: ربنا يشفيها ياررب يلا روح انت غير هدومك عشان اجهزلك لقمة انت هتقوم بدري عشان امتحاناتك وانت مش بتذاكر كويس من ساعة مابدأت شغل
آدم: ربنا معايا ياماما ادعيلي انتي بس
نجاة: دعيالك ياابني يجعلك في كل خطوة سلامة
_______________________
آلو
آلو ياكريم
كريم: اي يارائف انت كويس
رائف: ايوا
كريم: اومال صوتك عامل كدا ليه
يصمت بتفكير ليكمل: عمو كمال عملك حاجة؟
رائف بتآفف: لاءء انا عايز أسالك هو عاصي قال هيشتغل في مول اي؟
كريم باستغراب: بتتصل عشان كدا؟
رائف: اووف
كريم: خلاص خلاص ياعم حيلك مول....
رائف: تمام
ليغلق الخط دون سلام بعدها
كريم: الو الو
لينظر للهاتف باستغراب: ماله الواد دا؟!
________________________
عند رائف...
رائف بشر: ماشي ياعاصي حتي دي مش هخليك تتهني بيها يا....ياابن عمي
_________________________
ماما أنا جيت
هتف بهذه الكلمات وهو يدلف لبيته الحميم الذي يحبه رغم بساطته
عيشة: تعالي ياعاصي
يدلف الي غرفة المعيشة من حيث آتاه صوت والدته ليجد والده أيضاا
عاصي باابتسامة: السلام عليكم
الوالد والوالدة: وعليكم السلام ورحمة الله وبركاته
عزالدين باابتسامة بسيطة: تعالي ياعاصي مبروك الشغلانة وكمان مرتب حلوو
عاصي: الله يبارك فيك يابابا
عزالدين بتنهيدة: هااااه عارف انك لسه جاي بس عايز اتمشي معاك شوية ع البحر ياعاصي ممكن
عاصي باابتسامة: أكيد يابابا احنا بقالنا كتير ماتمشناش سوا تعالي ياماما معانا
عزالدين مقاطعا: لا ياعاصي سيب والدتك انا عايز اتكلم معاك
عيشة مضيقة عينيها: اممم بقا في مواضييع خاصة بينكوا هاا؟
عاصي بضحكة: هو حد يقدر ولا يعرف يخبي عنك حاجة ياشوشو
عيشة: كل بعقلي حلاوة ياواد زي أبوك
عزالدين ووهو ينهض مغادرا: لا انا ماليش في الحلاوة ينفع سمك
عاصي وعيشة: ههههههههههه
_______________________
علي البحر...
عاصي: خير يابابا عايز تكلمني في اي
عزالدين: انت زعلان ياعاصي...زعلان مني؟؟
عاصي بتنهيدة: الفقر مش بايديك يابابا انت ماخترتش تبقي راجل بسيط دا اتكتب علينا انت حاولت توفرلي كل حاجة حد تاني غيرك كان ممكن مايدخلش ابنه مدرسة لكن انت دخلتني
انا فاكر كويس لما كنت بتشتغل شغلنتين في نفس اليوم عشان تجيب مصاريفي فاكر لما كنت صغير ولما كنت اطلب منك حاجة كنت تقولي حاضر هجيبلك حاضر عنيا وفعلاا تعمل كل حاجة وتدوس علي نفسك عشاني
عزالدين بحزن: يعني مش هتيجي في يوم وتقول ابويا هو اللي...
عاصي مقاطعا وهو يلتقط يد ابيه مقبلاا اياها بدموع: ماتكملش يابابا انا عمري ماهقول كدا وعمري مافكرت كدا انا كل أحلامي انت اللي بنيتها حتي لو ماتحققتش بعد كدا...بابا اوعي في يوم تحس بالذنب ولا انك قصرت انا ساعات ببقي مش عارف اعمل اي عشان اردلك شوية من تعبك عليا ومعايا
عزالدين ببكاء: أنا اللي آسف ياابني آسف اني فقير وخلفتك في الظروف دي عشان تعيش أقل من غيرك
ليضمه اليه بشدة باكياا
عاصي ببكاء: أرجوك يابابا ماتقولش كداا انت أحسن أب في الدنياا وقدمتلي كتير
عزالدين ببكاء: لا ياابني انت تستاهل عيشة أحسن من....
ليشهق فجاءة واضعا يده علي يسار صدره "قلبه"
عاصي بخوف: بابا انت كويس
عزالدين مدلكاا يسار صدره: ك..كو..كويس
ليجز علي أسنانه بألم
عاصي بخوف: لا مش كويس يلا نطلع ع المستشفي
عزالدين بعد أن هدأت نوبة نغزات قلبه الذي تصيبه كل فترة مؤخرا: لا ياعاصي خلاص بقيت كويس يلاا نرجع لوالدتك لتقلق
عاصي: يابابا انت..
عزالدين :كويس ياعاصي كويس ياابني ماتخافش يلا يلا دي عادي بتحصل لكل اللي في السن دا
عاصي بقلق وتنهيدة فلهجة والده كعادتها مؤخرا لاتقبل النقاش: ماشي يلا
_____________________
بيت كمال....
كمال بشر: عارف يارائف ان ماعملتش اللي قولت عليه لأكون راميك برا البيت
رائف: حاضر يابابا والله ما هاهانيه بيها
كمال بنظرات شك: اما نشوف ياحيلتها
ميرفت بخبث: لو عملتها يارائف وخليت ابن عيشة يسيب الشغلانة دي ليك مني الحلاوة
رائف: هتشوفي
خلف بابا احدي الغرف بنفس البيت ولكن بعيدا عنهم
ببكاء مرير: اهي اهي اهي ياربي هما ليه بيعملوا كدا ليه بابا بيكره آنكل عز مع انه آخوه وليه ماما بتكره آنتي عيشة مع انها قريبتها اهي اهي اهي ياربي ماتخاليش رائف يأذي عاصي هو كويس ومايستهلش كدا يارب احميه منهم وخلي رائف يرجع طيب ماتخليهوش شرير زي بابا وماما يارب اهي اهي
_______________________
خارج بيت كمال وفي احدي البيوت المطله علي البحر أيضاا
يصلي ويتذلل الي الله برجاء: ياررب احميها يارب هي ضعيفة ومش بتستحمل تعب يارب اشفيهالي وماتورنيش فيها حاجة وحشة هي آحلي حاجة في حياتي
قلبي مابيدقش من الفرحة أووي غير لما بشوفها قدامي وهي بتجري وتتنطط احميهالي واحفظها
اللهم إستودعتك حبيبتي فااحفظها لي يارب
________________________
تفاعلوا عشان انت قد اصابني الاحباط ونفسيتي زفت جضاا
—————————
تعليقات
إرسال تعليق