رواية ( حلمي العاصي) - الفصول 19:21- بقلم ندا فرج سعد - مجلة سحر الروايات
حلمي العاصي-البارت التاسع عشر
لا بأس...
لا بأس أن تفشل مرة واثنتان وعشرة ومائة..
لا بأس أن تجد شخص وشخصان ومئات الأشخاص يكرهونك ويتمنون بك الأذي..
لا بأس أن تيأس وتتحطم وتنكسر أحلامك الآن مرة وألف..
لكن..
إحذر أن تكون النهاية فشل
إحذر أن تكون النهاية فرحة حاقدة
إحذر أن تكون النهاية يأاس
لا تبدل إبتسامتك بدموع..بل ازرع الصحراء لتغدو زهور..وليصبح مطر السماء الحزين شعل من الشموع
بدل
بدل حياتك البائسة بأخري لامعة
بدل أقدارك اليائسة بأخري ساطعة
بدل طرقك الضيقة بااخري واسعة
لا تقف عندك..فقط إترك كسلك وفشلك وبؤسك وتعالي..تعالي إلي هنا
> خط النهاية إقترب..خط إنتصارك هناك
_____________________
انت ليه بس مش مصدقني ماقولتلك انا تعبت بس وكنت عاوزة اروح
هتفت بغضب
عاصي بغضب أكبر: ماتنطقي بقا مخبية اي تاني
سلا: انا ماكنتش مخبية حاجة ومش مخبية حاجة تاني ولا اول
عاصي ممسكا ذراعها بعنف: هتنطقي ولا..
لم يكمل حتي ازاحت يده بعنف لتتركه وتتجه في زاوية الغرفة بجانب الشباك الكبير المطل علي البحر
لتجلس بوضعية الجنين وهي تبكي وترتجف
عاصي بتنهيدة وغضب: بطلي بقا الشويتين دول اوعي تكوني فاكرة اني بتساهل معاكي عشان مصدقك لا ابدا بس عايز اشوف اخرك اي دا ان كان ليكي آخر
بك__اء
عاصي بنفاذ صبر مقتربا منها ليجلس صوبها راكعا نصف ركعة
لينطق بهدوء: ردي عليا يلاا مين الواد اللي شفناه دا وخوفتي منه كدا ليه
لا_رد
عاصي بنبرة حانية: سلا
نطق اسمها بحنو بالغ لترفع عيناها اليه بدهشة
عاصي بحنو: ممكن تحكيلي يلا انا هسمعك بصي تيجي نعمل اتفاق او اقولك نلعب لعبة اي رأيك
لتؤمي بايجاب وقد ارتسمت ابتسامة بلهاء علي شفتيها
عاصي: بصي انا هعتبرك صحبتي وهقولك سر محدش يعرفه وانتي تعتبريني صاحبك وتقوليلي اي اللي خوفك لما كنا في الملاهي..ماشي؟
سلا بهمس: اوكيه
عاصي ممسكا يداها بحنان: طب ممكن نقعد هناك عند الشباك
لتنهض معها ملبية طلبه
اتجاها ناحية الآريكة تحت الشباك الكبير ليجلس وتجلس امامه
أمسك بيدها بحنان ليضمهما بين يداه
عاصي: بصي ياستي انا كنت بشتغل مع واحدة اسمها اروي كنت بساعدها في شغلها وكدا وبعدها هي جابتلي شغلانة احسن عند راجل اعمال كبير جدا والراجل دا لما لقاني عايز اعمل شركة وابني حاجة كبيرة عجبه طموحي فقرر يخليني اديرله 15% من شركاته وطبعا دا ساعدني كتيرر من الناحية المادية واكيد العملية وبعد ماظبطت مبلغ كويس محل بابا القديم جبت فيه محارين و بناا عشان يحولها لسوق سمك كبيررر جدا
سلا بدهشة طفولية: بجضا؟!! يعني انت هتفتح سووق سمك
فين؟ ع البحر الله حلو اووي
عاصي بثبات: واي رأيك تيجي تشوفيه
سلا بفرحة: هااا ياريت ياريييت ينفع؟
عاصي: اكيييد...يلا بقا
سلا: يلا اي؟
عاصي: احكيلي مين اللي شفتيه وخوفتي
سلا وقد زمت شفتاها بحزن واخفضت رأسها بانكسار: انت مش هتصدقني مش انا سراقة وممثلة بكذب ع الناس
عاصي بتنهيدة: لا انتي مش كدا انتي سلا البنت الجميلة اللي بتقول الحقيقة لعاصي صاحبها...قوليلي وهصدقك صدقني
سلا باانفعال: قول وأقسم بالله
عاصي بضحك: هههه مش ياستي أقسم بالله هصدقك
سلا بنظرات شك: لا قولها براحة عشان اتاكد انك مش بتبوظ حرف عشان الحلفان يبوظ
عاصي بضحك: أ ق سم ب ا لله هص د قك
هههههه قولي بقا
سلا: ماشي بس ماتقولش أستغفر الله بعدين ومش تعمل بحلفانك
عاصي باابتسامة: قولي ياسلا
سلا وقد تحولت نظراتها للحزن: بص هو مش الراجل
عاصي باستغراب: اي واضحي كلامك
سلا بحزن: انا ماخوفتش من الراجل انا اصلا ماعرفوش انا خ خوفت من اللي كانت معاه
عاصي محاولا التذكر ليعود بذاكرته للحظتها: قصدك البنت اللي شعرها احمر
سلا ببكاء: ايوا ..... سباا
عاصي: سبا !! دا اسمها
سلا: اممم
عاصي: وانتي خوفتي منها ليه؟!
سلا ببكاء دافنة رأسها بين ذراعيها بااحباط: اهي اهي سبا أخت سلا
عاصي بصدمة: اي؟!!!
______________
ماماااااا مااااماااا
نادت بصوتاا عالي ليرد الآخر بانزعاج: اي في اي يامني بتعلي صوتك كدا ليه؟
مني: ماما فين يارائف مش لاقيها صحيت مالقتهاش ومش لاقيها في كل البيت
رائف: ممكن تكون راحت تجيب حا....
يصمت ليفتح عينااه بصدمة: اوعي اوعي
ليركض ناحية غرفتها ويفتح الخزانة(الدولاب)بعنف
مني: في اي يارائف بتجر......اي دا هدوم ماما فين
رائف بصدمة تحولت لسخرية: امك خلعت
مني: خلعت ازاي يعن......اي دا اي الظرف اللي هناك دا؟!
رائف ممسكا بالظرف: دا جواب اكيد منها ودي....دي فلوس لاء فيكي الخير ياميرفت
مني: افتح الجواب يارائف شوف في اي؟؟
ليفتح الجواب ويبدء بالقراءة
وعلي صوتها تقول
" رائف ومني ولادي حبايبي اللي طلعت بيهم م الدنيا مش عايزاكوا تزعلوا مني لما تعرفوا اني سبت البيت بس انا اتبهدلت اووي من زمان فوق ماتتخيلوا العيشة مع ابوكوا كانت قرف وسواد وانا اصلا عمري ماحبيته اتجوزته بس عشان ابعد بين عيشة وعز لكن كان قلبي بيتحرق كل يوم وكل لحظة وانا بشوفهم بيقربوا من بعض اكتر ومن ناحية تانية ابوكوا وقرفه ولما جاتلي الفرصة اخلص منه لما سمعته وهو بيتفق علي شحنة مخدارات وحاجات من دي اعتبرتها فرصة وجاتلي وكنت ناوية ابلغ عنه لكن ماعملتش كدا عشان خوفت يطلع منها ويعرف انه انا ويقتلني بعدها مش بعيدة عنه وبجد انا ماعرفش مين اللي بلغ عن ابوكوا
المهم بعدها ابوكوا قالي علي الفلوس اللي مكوشها علي قلبه طوال السنين دي تصوروا ابوكوا طلع مليونير
انا بقا قررت ان الفلوس دي جزاء تعبي وذلي طوال السنين اللي فاتت وقررت اخود حريتي بقا واعيش حياتي وسبتلكوا مبلغ كويس تصرفوا منه وانت يارائف بقيت راجل اهوو انزل اشتغل زي ابن عيشة واهاا صح ياريت تخلي بالك من اختك حرام مالهاش غيرك...هتوحشوني ياولاد
أمكم ميرفت"
رائف: ههههههه هههههههه امك دي حنينة اووي يابت يامني
مني ببكاء: ه هي ليه ليه عملت كدا
رائف بغضب: اصلها وس...
مني بشهقة: راااائف دي مامتك ازاي تقول كدا
رائف بااستهزاء: اسمعي يابت انتي ابوكي واترمي في السجن و امك وخلعت وانا اكيد مش هستحملك
مني ببكاء: قصدك اي يارائف حرام عليك ماتتخلش عني انت اللي فاضلي ماليش غيرك
رائف بسخرية: لا يااختي ماعطلكيش الفلوس دي انا هاخدها وامشي وانتي ابقي شوفيلك شغلانة واصرفي علي نفسك وعشان تعرفي اني حنين سيبلك الشقة اهوو وخدي خمسينة جني اهيه عشان يبقي عداني العيب سلاام
مني ببكاء وصراخ: رااائف رائف ماتسبنيش ياراااائف حرام عليك ماليش غيرك يارائف ماتسبنيش لوحدي
كلكوا سبتوني ليه..ليه ياربي ليه
يامامماااا تعالي ياماممااااا اهااااا ياراااااااااائف
__________________
من ناحية شاطر فهو شاطر أووي أووي كمان
-زااااد احكي متل(زي)الخلق والعالم يعني أكيد بقدر أوثق(أثق) فيه ل ها الولد؟
شيزاد: لو مش مصدقني اسأل أروي وهي تقولك والله يا معين بيه الولد 100/100 وذكي وشاطر وجاهز يمسك اي حاجة
معين: بس متل ماسمعت انه الصبي لساتو(لسه) صغير يعني حتي انه بيدرس كيف فيه يشتغل كل ها الشغل؟!
شيزاد: لا والله عاصي قدها وقدود لو مسكته 100 شغلانة في وقت واحد هيسد فيهم كلهم
معين: طب هو وينه هلا؟ بدي إحكي معه
شيزاد: للاسف هو معدش بيجي هنا كتير غير لو كان في حاجة ضرورية لكن لو عايزه اقدر اكلمهولك بس مش دلوقتي
معين: وليش بقا مو هلا؟!
شيزاد: لاني حاولت اكلمه من شوية تليفونه مغلق وهو كمان مشغول الفترة دي
معين: اهااا انتي قلتيها هو مشغول معناها كيف بدو يفضي لشغلي
شيزاد: معين بيه
عاصي انسان ذكي ماتخسروش هو انسب واحد مناسب لشغلك من اول ماقولتلي انك عايز حد يمسكلك فرع كامل ويكون ذكي ونبيه وشاطر وانا قولت مفيش غير عاصي وصدقني هو مش هيقول لاء عاصي ذكي جدا مابيضيعش فرص
معين: الله بيسترها خلينا نشوف شو بنساوي لبعدين....
______________
انت يامتهم تعالي عندك زيارة
كمال مقتربا منه بغضب: ممكن ياشويش يعني لو مش هتقل عليك طلب صغير
الشويش بغضب: انت هتصاحبني ولا اي يامتهم
كمال: لا لا حاشا وانا اطول انا بس كل طلبي انك ماتقوليش يامتهم
الشويش بسخرية: اومال اقولك اي...يابيه؟!
كمال: لا بس قولي ياكمال
الشويش بغضب: انجر قدامي ياكمال...يامتهم
كمال بغيظ: اللهم طولك ياروح اما نشوف مين اللي افتكرني
....
كمال بااستهزاء: لا لا تعبت نفسك لا فيك الخير ابن ابوك صح عايز اي يارائف
رائف بسخرية: اكيد مش جايلك زيارة مثلا انا بس جاي اقولك ان الملايين اللي كنت شايلها علي قلبك طوال السنين اللي فاتت مراتك تك خدتها و ششش...خلعت!
كمال بغضب: كنت عارف انها هتعمل كدا ماهي نافصة من يومها
رائف: دا مش موضوعي انا جاي اقولك اني سبت البيت وهشتغل و أئب علي وش الدنيا اتجدعن بقا واطلع بسرعة اصل موني لوحدها وياعالم هيحصلها اي
كمال بغضب: هتسيب اختك لوحدها؟!
رائف: ايوا بالظبط امها سابتها هسأل انا فيها
كمال بغضب: علي رأيك هتطلع لمين يعني
رائف: اكيد ليك قتلت اخوك بالحياة قتلته بقهرته مستني مني اي
سلااام...يا...يااآبويا
كمال بصدمة: ر..را..رائف!حلمي العاصي-البارت العشرون
بسم الله الرحمن الرحيم
"يخدعون الله والذين ءامنوا ومايخدعون إلآ أنفسهم وما يشعرون^في قلوبهم مرض فزادهم الله مرضاا ولهم عذاب أليم بما كانوا يكذبون^واذا قيل لهم لا تفسدوا في الأرض قالوا إنما نحن مصلحون^ألآ انهم هما المفسدون ولكن لا يشعرون"
-البقرة'8:12-
__________________
بين حوائط السجن الملطخ بعضها بدماء ضحاياه والبعض الآخر بكلمات أبرياء ظلمهم القانون الذي أخذ يعاصر الموضة فغير وجهته وأصبح ناصفا للشر ضد الخير وليس العكس
واخري بكمات بذيئة ممن احتواهم السجن ليدفعون ثمن البعض من فظائعهم
وهناك علي إحدي الأسرا كان يريح جسده ولكن رأسه أخذت تعصف به
هل حان الوقت لدفع الفاتورة؟
قاطع أفكاره صوتا غليظ يكرهه كما يهابه
ليرد بجمود: خير يامعلم في حاجة
المعلم بغلظة: جبتلنا اي في الزيارة شايفك قاعد وحالتك ناشفة وكدا ميأكلش عيش
ليرد كمال بسخرية: هتطردني من الزنزانة يعني ولا اي يامعلم؟
المعلم بغلظة: انت بتتريق يلاا
كمال: ولا بتريق ولا حاجة ومش معايا حاجة تاخدها خيير هتعمل اي؟
المعلم: اهااا انت شكلك كدا بدأت تتعوج وانا مايعجبنيش الحال المعوج
ليهتف بعدها بغضب: واد ياكبريتة
كبريتة بخوف: خخ خير يامعلم
المعلم: صاحي خشبة وسلومة يلاااا
كبريتة: حح حاضر يامعلم
ليتجه الي الأسرا هاتفا: اصحي ياض منك ليه اصحوااا المعلم عايزكوا
لينطق كمال وقد تسلل بعض الخوف اليه: في اي يامعلم انت بتنادي العيال دي ليه
المعلم: ماانا قولتلك ياكيما الحال المعوج مايعجبنيش
يتقدم ثلاثتهم لينطق احدهم بنعاس: خير يامعلم أؤمر
المعلم: قولي يااض ياخشبة اللي يعلي صوته ع المعلم ويقل منه في الكلام جزائه اي
خشبة بهمجية: يتقطع لسانه يامعلم
المعلم: محسوبك كيما بقا قل مني واحنا هنكتفي اننا نعلم عليه علامة صغيرة المرادي
ليخرج احدهم نصل وينظر لكمال بشر بينما امسك به الاثنان الاخرآن
ليهتف كمال بذعر: انت هتعمل اي..سبوني ياكلاب انا هخلص عليكوا سبوووووني
ليتقدم منه حامل النصل ويقوم بجرح وجنته اليمني
ليصرخ كمال بألم ويتركه الباقية
ينطق المعلم بشماتة: ياريت ياكيما تتعلم الدرس مش عايز اقرره معاك تاني وطبعا مش محتاج اقولك لو فتحت بوقك بحرف حياتك هتكون التمن
ليكمل بسخرية: تصبح علي خير ياكيما ياغالي
يسقط كمال ارضا واضعا يده علي وجنته المجروحة وهو يأن بألم ويهمس بغيظ من بين اسنانه: كل اللي انا فيه دا بسببك انتي مش هسيبك لو كان آخر يوم في عمري
"اشتهي ان ازرع الارض شجراا
كي لا يشك احد اننا نعيش في غابة!"
اضغاث_قلم
_________________
في اليوم التالي
صباحا وعلي البحر...
يهتف احدي الصبية بفرح: يابيه يابيه اي رأيك في الشغل
عاصي بمزاح: هو انا ينفع اتكلم بعد شغلك ياقصي بيه وبعدين قولتلك انا زي اخوك الكبير يعني تقولي ياعاصي بس فاهم
قصي ذو الرابعة عشر: حاضر يابيه قصدي ياعاصي
ليهتف مكملا بمرح: تعالي بقا شوف المحل من جواا دا كبير اووووي
عاصي بمرح: الله وأكبر المحل هيقع علينا ياقصي ههههههه
قصي بفرحة: بص بص اي رأيك دا شغلي انا وبابا
عاصي بابتسامة لفرحة الصبي: اممم لا شغل عالي ياقصي انت هتبقي فنااان
قصي بفرحة شديدة: بحد ياعاصي شغلي حلو صح
عاصي بحنو: ايو ياقصي شغلك جميل
تحولت نظرت الصبي من الفرحة الي اخري حزينة وهو ينطق: لو كانت ظروف بابا سمحت اني اكمل تعليم كنت هدخل هندسة وابقي احسن مهندس ديكورات
شعر عاصي بغصة مريرة لينطق بألم: معلش ياقصي الدنيا زي مابتقسي علينا بيجي يوم وتحن وتعوضنا وان شاء الله انت هتبقي حاجة كبيرة حتي لو ماكملتش تعليمك بس انا واثق انت بس ماتفقدش الأمل ماتبطلش تحلم ياقصي عشان لو بطلت تحلم هترضي بالواقع اللي انت عايش فيها ومش هتتحقق حاجة..فاهمني ياقصي؟
قصي بشرود: فاهمك..لازم يكون عندي حلم عشان احققه واغير الواقع
عاصي بدهشة: وكمان ذكي لا لا انا كدا اتاكدت..هو باباك فين
قصي: بيجيب اكل وجاي تعالي افرجك باقي المحل تعال
لييجولان معا بانحاء المحل الذي تبدلت ملامحه كثيرا عن ذي قبل ولكن بقي محتفظا بروح صاحبها..روح عزالدين الطيبة
وقف فجاءة وهو يستمع لصوتها الساخر: مبرووك ياعاصي
التفت ناظرا لها بدهشة: مني!
مني وقد بدت هيئتها مريبة وعيناها ومحيطها خير اثبات علي عدم نومها لايام
ردت بلامبالاة مصتنعة: اممم جيت اباركلك
عاصي بسخرية: فيكي الخير
مني بحزن: ليه
عاصي: ليه اي
مني: ليه بتشيلوني ذنوب مليش دعوة بيها بابا وماما وحتي اخويا شيلوني ذنب النقص اللي عندهم وانت بتشيلني ذنب اهلي ليه
عاصي: مني انتي جاية هنا ليه
مني بحزن وسخرية وقد التمعت عيناه بالدموع: قولت لازم اجي ابارك لابن عمي علي جوازه وكمان ماشاء المحل وسعتها واسكندرية كلها بتتكلم عنك واضح ان طاقة القدر اتفتحتلك
عاصي بيأس: روحي يامني..روحي ارتاحي انتي شكلك تعبانة
استدار ليتركها ولكن هتفت بغضب مكبوت وعينان اسودتا بشكل مخيف: خلاص ياعاصي الايام اللي فاتت قتلت مني واللي قدامك مني جديدة غير اللي تعرفها مني هتأذي كل اللي أذوها وكسروا قلبها حتي انت ياعاصي لازم احرق قلبك زي ماحرقتني ودمرت عيلتي
نظر لها بصدمة واندهاش الجما لسانه
لتكمل بغيظ: انت اللي بلغت عن بابا شفتك بعنيا قبل كدا وانت ماشي وراه لو ماكنتش عملت كدا ماكنتش وصلت ل اللي انا فيه دلوقتي انا بدفع ذنب مش ذنبي
عاصي: ابوكي كان لازم يدفع تمن غلطاته يامني وياريت ماتخسريش نفسك
مني بسخرية: اخسر نفسي! نفسب دي انا قتلتها قبل مااجيلك ياعاصي
حدقته بنظرة طويلة قبل ان تهتف بنبرة مميتة: هدفعكوا التمن ياعاصي
لتستدير بعدها تاركة اياه بشروده وصدمته
عاصي بصدمة: مني!!!
___________
كانت تراقبها بنظرات يملأها الفضول واللهفة
انتظرت انتهائها من صلاتها لتتقدم منها بخطوات سريعة تقف امامها مطأطأة الرأس
لتهمس:عمتو
عيشة: خير ياسلاا
سلا بخجل: عايزة اصلي ياعمتو بس انا مش بعرف
عيشة بصدمة: مش بتعرفي تصلي
سلا بخجل: ينفع تقوليلي اتوضئ ازاي واصلي ازاي
عيشة بدهشة: طب واي اللي خلاكي عايزة تصلي؟!
سلا: عاوزة اعمل زيك
عيشة: بس انا ياسلا مابعملش زي حد انا بعمل كظا عشان اقرب من ربنا
سلا: ماانا كمان عاوزة اقرب من ربنا ينفع تعلميني بقا
عيشة بتنهيدة: امري لله تعالي ياسلا
سارت باتجاه الحمام وهي خلفها
عيشة: بصي ياستي بما انك لسه بتتعلمي فاانا عايزكي تتوضي وضوء علي اصوله مش وضوء الايام دي
سلا بفضول: ازاي
عيشة: الرسول صلى الله عليه وسلم كان بيتوضأ مرة مرة أو مرتين مرتين والغالب ثلاثاً ثلاثاً بس الواجب والفرض مرة واحدة..يعني كان بيغسل ايده مرة ويتمضمض مرة أو ايده مرتين والباقي مرتين وهكذا لكن الأفضل والأكمل طبعا انك تغسلي كل جزء 3 مرات زي ما هشرح دلوقت بإذن الله
1_لازم تنوي جواكي انك داخلة تتوضي والنية بالقلب مش باللسان
2_من المستحب انك تذكري الله قبل الوضوء يعني تقولي بسم الله وبعدين تتوضي "وعادي انك تقوليها ف الحمام طالما للضرورة بس ده مش معناه بقى انك تفضلي تذكري الله ف الحمام لان ده مكروه..
يعني وانتي واقفة قدام الحوض مثلا قولي بسم الله بالراحة كدة وابدأي اتوضي بقى..ومتخافيش انا بعملها بقالي كتير وناس كتير بتعملها ومحصلش حاجة الحمدلله
3_هتغسلي كف ايدك اليمين والشمال 3 مرات
4_هتتمضمضي كويس 3 مرات
5_هتستنشقي المياة بأنفك يعني تحطي شوية مياة ف ايدك اليمين وتستنشقيهم بحيث ان المياة تدخل جوا مناخيرك.. "وخلي بالك لو صايمة علشان المياة متدخلش جوا خالص".. وبعدين تخرجي المياة دي بايدك الشمال
6_هتغسلي وشك 3 مرات من منبت الشعر لاخر الوجه ومن عند مشحمة الأذنين يعني تخلي المياة توصل لوشك كله
7_هتغسلي من أول صوابعك لحد كوعك 3 مرات "لحد الكوع مش لنص دراعك"
8_هتمسحي ع شعرك من قدام لورا مرة واحدة بس
9_بنفس المياة اللي ف ايدك هتغسلي بيها ودنك مرة واحدة برضو وتدخلي صباع السبابة جوا ودنك وتغسلي كويس وتمسحي بصباع الابهام من ورا ودنك
"يعني هتاخدي المياة تمسحي بيها شعرك وبنفس المياة تغسلي ودنك..مش هتجيبي مياة تانية لودنك يعني"
9_هتغسلي رجلك 3 مرات وتستعملي ايدك ف غسل رجلك يعني متكبيش المياة عليها كدة وخلاص
وتخلي المياة توصل لكعب رجلك والكعب مش هو اللي بندوس عليه ولكن هو العضماية اللي بتبقى ف جانب رجلك
وعلشان بإذن الله تتفتحلك أبواب الجنة الثمانية فمتنسيش تقولي الدعاء ده بعد الوضوء
أشهد أن لا اله إلا الله وحده لا شريك له وأشهد أن محمداً عبده ورسوله..اللهم اجعلني من التوابين واجعلني من المتطهرين
فهمتي؟
سلا بدهشة: اا اها اها فهمت هتوضي اهوو حالا
لتدلف للداخل وقد نوت الوضوء
_________________
في احدي الملاهي الليلية ب الهرم
كان يوزع المشروبات بحماس بعد ان عثر علي تلك الوظيفة وبراتب رائع الي جانب مايجنيه من مغازلة الفتيات والسيدات المسنات
كان يراقب تلك ويغمز لتلك وقد انساه الطمع والنقص ذاته..ذاته التي احرقها السواد
مال علي احدي السيدات بوقاحة وهو يضع الطلب ليهمس: هو القمر مشرافنا هنا الليلة دي ولا اي
السيدة بضحكة رقيعة ونبرة منحطة: اممم شكلك بتعاكس...انت اسمك اي ومنين
-محسوبك رائف اسكندراني
السيدة بذات النبرة: شكلنا هنبقي اصحاب ياروميو
رائف بغمزة: او حبايب ياجوليت ههههه
لتبادله الضحكة باخري اكثر ميوعة: طب اي رأيك في شغل حلوو اووي وعايز واحد ملاغي زيك كضا
رائف بابتسامة واسعة: اووي اوووي دا انتي تؤمري
مدت يدها بدلال: طب خد دا عنوان بيته هستناك
انهت كلامها بغمزة ولكن اثقلت نفسه ونظر لها بتوتر بالغ فان تخلي عن كل شئ وباع مبادئه واخلاقه هل سينحدر الي هذا الحد
ليرد شيطانه "واي يعني ماابوك كان تاجر مخدرات وامك ماسبتك وزمانها دايرة علي حل شعره"
ليقتنع دون مبررات..دون ان يأخذ من ذات المنظور ماذا كانت نهاية والده
"لا شئ اسوء من العمل القبيح إلا المبررارت التي نسوقها له"
_______________
تعالي شوفي بقا يانجمة التجديدات اللي حصلت هتعجبك اووي
هتفت بتلك الكلمات اروي وهي تسحب نجمة خلفها
لتلتفت لها: اي رأيك بصي الالوان عجبتك
نجمة بهدوء: حلوة
خرجت كلمتها باهتة ووجهها مازال شاحب محتفظا بآثار الماضي
داهمها دوار اعتادت عليه الايام الماضية لتضع يده علي رأسه باعياء
اروي بقلق: نجمة انتي كويسة
نجمة بتعب:كويسة بس ممكن تجيبيلي حاجة اشربها
اروي: حاضر ياحبيبتي اقعدي وانا جاية
جلست تمسد رأسها بارهاق بادي بينما اختفت اروي لاخضار بعض العصائر لها
اروي شوفي الملفات دي عاصي بع....
رفعت عيناها اثر الصوت لتعقد حاحبيها بقلق تخلله بعض الخوف: اروي مش هنا بتجيب حاجة اا انت م مين
ليرد بشرود: انا ااا آدم آدم خريج كليه صحافة واعلام وشغال مع اروي انا في المجلة اللي هتفتتحها معلش هاخد ملفات من هنا واخرج
اقترب منها بعفوية لتنهض بفزع وتدفعه بعنف للخلف
ادم بدهشة وبعض الغضب: اي دا في اي؟ انتي اتجننتتي!
لتبدء بالصرآخ بهيستيرية
اتت اروي علي الفور لترمي بما بيداها وتتجها نحوها تضمها اليها محاولة تهدئة
بينما الآخر يتابع المشهد بدهشة شديدة..
_____________
حل الليل ليعود لبيته طامعا ببعض الراحة فلديه غدا رحلة طويلة في حل الغاز حياة زوجته الطفلة كما لقبها
فتح الباب ببطئ ليدلف واتجاه الي غرفته مباشرة دون حديث فوالدتها اعتاد عليها تصلي العشاء لتنام بعضها براحة يحسدها عليها
فتح الباب بنعاس ليفتح عيناها بصدمة وهو يراها ترتدي عباءة وحجاب وتصلي
علي آثر الصوت استفاقت من خشوعها لتنظر له نظرات خاطفة يخالطها غضب وخجل بالوقت ذاته
بعد اقل من دقيقتان ومازال مكانه يطالعه وقد انهت فرضها لتقف وتنظر له بغضب حاولت اظهاره له ولكن لم يخفي عنه حمرة وجنتيها: خييير بتبصلي كدا ليه
عاصي: انتي بتصلي
سلا بشموخ: اها بصلي اومال انت ومامتك بس تصلو
عاصي: يعني انتي كنتي بتعرفي
سلا: عمتو علمتني
عاصي: اممم طيب حرما
نظرت له ببلاهة: عايز اي؟!
عاصي بضحك: هههههه مش انتي لسه مخلصة صلاة فاانا بقولك حرما المفروض تقوليلي جمعا
بقيت شاردة تحاول استيعاب ماقاله بفضول طفولي
اقترب منها ليمسك يده بحنان: ممكن نتكلم ياحبيبتي
نظرت له بصدمة لكلمته الاخيرة: نعمل اي؟!
عاصي بضحك: يابنتي فوفي انتي شاربة اي...ماعلينا مش موضوعنا تعالي
سحبها ليجلسا سويا علي حافة السرير
عاصي بتنهيدة: ممكن تكمليلي
سلا: اكملك اي
عاصي: حكاية سبا
سلا بتوتر: لو سمحت خلاص انا
عاصي مقاطعا بنبرة حانية: عشان خاطري ياسلا مش احنا صحاب انا ماردتش اضغط عليكي امبارح
سلا ولم تستطع الرفض امام نبرته الحانية: ودا هيبقي سر
عاصي ممازحا: أقسسسسسم بالله سر
سلا بابتسامة حزينة: سبا وسلا اخوات من ماما فاطمة وبابا حسن
كلمات بسيطة خرجت من فمها بهدوء ولكن اشعلت دهشته لينطق بصدمة: انتي بتقولي اي هو مش انتي بنت خالي مش انتي سلا سليم؟!!
سلا نافية برأسها: لاء انا سلاا حسن مرتضي
اتسعت عيناه بصدمة أكبر واشد: حسن مرتضي!!!!
سلا بطفولية استفزت فضوله: اكمل؟
عاصي:كملي
سلا: انا هقولك كلام لو طلع اعرف ان سلا هتموووت
عاصي بهدوء مصتنع وداخله يحترق: ماتخافيش قوولي بس احكيلي من الأول وواحدة واحدة ماتسبيش تفصيلة...كملي~
_________حلمي العاصي-البارت الواحد والعشرون
"لا تخافي الحب يارفيقة قلبي علينا ان نستسلم اليه رغم مافيه من الألم والحنين والوحشة"
-جبران خليل جبران
___
فلاآش_باآك
أنا مش هسكت تاني انا مستحملة جوزك دا بالعافية ومستحملة ضرب وشتايم زي مااكون بهيمة دا لو هي مش احسن مني
صرخت بتلك الكلمات بغضب..
لترد الأخري: سباااااا اخرسي خالص واغزي الشيطان احنا ماصدقنا نلاقي بيت يلمنا من الشارع والراجل كتر خيره عداه العيب وأزح
سبا بتهكم: لا عداه العيب اووي لما يلمنا من الشارع عشان يشغلنا خداميين عنده ويعوض علي نفسها بعد ماربنا ماكتبلوش انه يخلف ودا الصح كان هيدي للهمجي دا عيال ازاي
فاطمة: انتي عايزة اي دلوقت؟؟
سبا بغضب: عايزة اعرف كل حاجة انا بنت مين وليه هو مش معانا وليه وصلنا للحالة دي وماتقوليلش انه مات عشان انا ماعدتش صغيرة انا 15 سنة وفاهمة كويس
فاطمة بتصنع البكاء: عايزة تعرفي اي ياسبا؟
عايزة تعرفي ابوكي رمانا في الشارع ازاي ولا رفض انه يعترف بيكوا ازاي ولا..اهي اهي ولا اتعدي عليا ازاي وانا لسه عيلة
لتنهار في البكاء
سبا بصدمة: انتي بتقولي اي؟!!
فاطمة بتصنع: اللي سمعتيه دا اللي حصل
سبا: احكي احكي وانا مش هقول حاجة
فاطمة: ماكنتش عايزاكوا تعرفوا المر اللي شربته بس انا هحكيلك وامري لله
"وعلي مرئة ومسمع من حلا ذات الثمان سنوات التي كانت تتابع الموقف بدهشة طفلة"
فاطمة ببكاء مصتنع: وانا عندي 17 سنة كنت شغالة في بيت كبير اووي لعيلة كبيرة ورثت الشغل فيه عن امي وكانوا اهله كلهم كويسين ومتدينين لحد كبير الا ابنهم اللي كان عنده 20 سنة
في ليلة كان عندي شغل وهو كان برا ورجع سكران زي كل ليلة وساعتها اهي اهي حاول يعتدي عليا وانا كنت صغيرة وماعرفتش ادافع عن نفسي وحصل اللي حصل
وهو لما عرف اني حامل فيكي بعدها بشهرين حاول يطردني لكن اني رفضت عشان ماعنديش مكان اروحه وهو لما لاقي نفسه هيتفضح خاف وكتب عليا ورقتين عرفي وخدني قاعدني في شقة في الشرقية وكنا عايشين زي اي اتنين متجوزين طبيعي رغم اني حاولت اوقف الوضع دا لكن ماعرفتش وبعدها ب8 سنين حملت في سلا ولما عرف ضربني واداني علقة مووت عشان نسيت اخود وسيلة منع وفضلت انا متحملة العذاب والذل واني عايشة في السر لحد ماجيه في يوم طردني وقال اي زهق مننا
سبا بصدمة: انت اي اللي بتقولي دا انتي كدابة هو ماكناش كدا ماكاناش وحش
فاطمة بمسكنة: ابدا يابنتي دا كان بيعمل كدا بس عشان يعرف ياخدك في صفه لما يمل مني اهي اهي
سبا بغضب مكبوت: مين الراجل دا؟
فاطمة بحزن اجادت رسمه بملامحها التي تشبعت بالخبث: مابلاش يابنتي
سبا بغضب: لو سمحتي ردي عليا مين الراجل دا؟؟
فاطمة: حسن مرتضي راجل اعمال مشهور دلوقت
سبا: راجل اعمال مشهور يعني يقدر يفتح بيت وعشرة
راجل اعمال مشهور يعني علي قلبه كنوز الدنيا ورمينا هنا في الفقر والحواجة بس انا مش هسكت
فاطمة بخضة حقيقية: لا ياسبا بطلي جنانك دا احنا مستورين اهوو ومش ناقصنا حاجة
سبا باستنكار: من نحية ناقصنا فاحنا ناقصنا كتير اووووي
بااا_ااك
سلا بحزن: وبعدها بشوية ايام سبا هربت وسابت سلا لوحدها في العذاب
عاصي بدهشة مما القي علي مسمعه الي جانب دهشته لاستدراك سلا للاحداث رغم حالة عقلها المتأخرة
نطق بتساؤل وفضول يتاآكله: حصل اي بعدين ياسلا
سلا ببكاء: بعدين سلا بقيت بتضرب علي كل حاجة وبتتحاسب حتي لو مش غلطانة
اراد الاستفسار اكثر ولكن انهيارها منعه
وبدون وعي لم يشعر الا و ذراعاه تحاوط كتفيها ليضمها اليه مواسيا
ليهمس لنفسه بسخرية: جه وقت المحقق كونان!...
"الهدوء ليس بالضرورة طمأنينة
فالجراثيم تكثر في الماء الراكد"
اضغاث_قلم
___________________
في اليوم التالي...
أصبحت كئية ووحيدة الي حدا سحبتها اليه الأيام
بقيت علي حاله جليسة لا يؤنس وحدتها سوي الجدرآن وشاشة التلفاز ولكن عقلها مغيب
تشعر بسحابة سوداء تتكون بقلبها
بغضب تود به حرق العالم والناس جميعا
لتفيق من جحيم افكارها علي طرقات الباب الهادئة
نظرت باتجاه الباب بسخرية وتجهم: وياتري مين اللي افتكرني؟!
خطيت بخطوات كسولة ويائسة لتمد يده لفتح الباب
رفعت عيناه لتقابل عيناه التي ملئها الحزن والشرود كحالها
عقدت حاجبيها لتسأله باستنكار: كريم!
كريم بجمود: لمي حاجاتك عشان هتروحي تقعدي مع والدتي مش هينفع تفضلي لوحدك
مني بسخرية: لاء فيكي الخير شكرا ياسيدي انا مبسوطة كدا
كريم بغضب خفيف: ياريت تسمعي الكلام عشان مش فاضي لشغل العيال دا لو أخوكي وأمك انعدمت عندهم الإنسانية والنخوة فااحنا لاء
ارتسمت ابتسامة هازئة علي جانب فمها لتنطق بحدة طفيفة: مش مستنية عطف وصدقة سيادتك بعد مااهلي انعدمت عندهم الانسانية والنخوة
كريم بحدة مماثلة: واطي صوتك وادخلي خلصي او هتصرف بطريقتي
مني بغضب: اظن اني حرة نفسي واني قول....
قاطعها دافعا الباب بيده ليدلف ويغلقه
مني بعصبية: اي اللي انت بتعمله دا؟!
كريم: اوضتك فيين؟
مني: افندم؟!
كريم: تمام هعرف لوحدي
مني بسرعة: لا لا لاااا استني
كريم: معاكي 10 دقايق تلمي حاجتك كلها والا ماتلوميش غير نفسك
ضربت الارض بقدمها غضبا لتتركه وتتجه تنفيذا لطلبه والا..
خرجت تجر حقائبها بعد انقضاء ال10 دقائق التي امهلها اياها
مني بحدة: خلصت
حدقها بنظرة متأملة طويلة ليتسرب شعاع من التوتر لاوصالها حين تحرك باتجاهها بخطوات بطيئة وعيناه لم تحد عن خاصتها
دق ناقوس الخطر بقلبها عندما لم يعد بينهم سوي خطوتان فاصلتان لتبدء بالتراجع ومازالت عيناهما متشابكة
ليتوقف فجاءة وقد ارتسم علي جانب شفتيه ابتسامة لعوبة لينظر لها بخبث قبل ان يميل ويلتقط الحقائب
لينظر لها ببراءة مصتنعة: في اي يامني انا جاي اخود الشنط انتي افتكرتي اي؟
مني وقد احمرت وجنتاها غضبا وخجلا: مافتكرتش حاجة
كريم بخبث: مني
مني: عايز اي؟
كريم: بطلي تقري روايات اصلها غلط ع الصحة
ليطلق بعدها ضحكة ساخرة عالية
حدقتها بغضب خالطه بعض الخجل ولكن اكتفت بالصمت
ليحمل الحقائب بعدها مديرا ظهره لينطق بامر ناظرا لها بجانب وجهه: يلاا
وقفت ثابتة قليلا قبل ان تنطق بهمس: كريم
لم يستطع الرد علي نبرة صوتها الهامسة ليلتفت بكامل جسده
مني: ياريت ماتستناش مني حاجة مش هقدر اديهالك
كريم بحزن ونبرة ساخرة: مش مستني حاجة يامني عارف ان قلبك ملك لحد تاني وان الحب مش بايدينا زيي كدا ،، لو اقدر كنت محيت حبك من قلبي بس هو اتكتب عليا
ليتجه للباب خارجا بخطوات راكضة بعض الشئ
لم تستطع التحرك بذات خطواته فبقيت تحملق بآثره واللاشئ...
"ماأجمل الشجر الذي يمووت وقوفا قرب البئر
دون ان ينحني طلبا لشربة ماء!"
اضغاث_قلم
___________
ماعاد فيني انطور(استني) اكتر من هيك ، زاد لو سمحتي احكي معه
زاد: اصبر بس يااستاذ معين هو عنده شوية حاجات بيظبطها في محل باباه زي ماقولتلك واول مااحس انه فضي هكلمه بنفسي
معين بعصبية خفيفة: لاا لااا ماعاد فيني اذا بتريدي زاد عطيني رقمه للشاب انا بحكيه
زاد: طيب زي ماتحب
معين لنفسه: الله يستر و يرضو فيه بعد كل هاالعطلة
زاد بسؤال مباغت: بس يعني هو انت مستعجل كدا ليه وشغل اي دا اللي مش مستني
معين بتوتر: اهاا لا يعني شو بدو يكون بس بس انتي بتعرفي الشغل موقف حاليا لانه ماعم لاقي حدا مناسب واعتمدت عليكي ااآ يعني مواصفاته لهداك عاصي كتير ممتاز لهيك حابب التقي فيي
زاد بشك: اووكي
_______________
تعالي ياآدم
آدم: انا كنت جايلك عشان البرنامج بس اسف لو بدخل هي مين دي اروي؟
اروي باقتضاب: دي اختي ياادم حصلت معاها شوية مشاكل مع جوزها الله يرحمه قبل مايموت وهي نفسيتها مضطربة الفترة دي
ادم بشرود: ربنا معاها...المهم انتي لسه عند كلامك هتعملي مجلة
اروي: عندي فكرة حلوة اووي ياادم تسمع
ادم: اسمع
اروي: انا بفكر بما ان احنا هنا بنرسم وانت و زاميلك صحفيين ليه مانعملش حاجة مابين المجلة والبوستر انتوا تكتبوا الحدث واحنا نعمل صورة عميقة تعبر عن الموضوع ويتكتب اسم الصحفي اللي كتب الموضوع والرسام اللي رسم الصورة
ادم بسخرية: دا بيحصل في اي جرنال ومجلة حضرتك
اروي: لا انت مش فاهمني احنا مش هنعمل مجلة مجلة يعني بتتكلم عن السياسة والمجتع والفن وووو لاء احنا هنعملها شبه البوستر كدا ورق معدود مايعديش ال5 ورقاات نتكلم فيه عن حدث واحد او موضوع واحد ولوحة معبرة وتنزل بسعر الجرنال في السوق هتتشهر اسرع والموضوع هيتقرأ من ناس أكتر ونبقي بنمركت لنفسنا واسمنا
ادم بدهشة: يابنت اللذينة لا تجنن فعلا بس هنبدء امتي وهنكتب اي في الموضوع الأول لازم يكون موضوع يشد الناس
اروي بشرود: الموضوع عندي ياادم
_________________
موضوع اي؟
عاصي: خالي ياماما
عيشة: ماله؟ وسلا قالتلك اي
عاصي بتنهيدة: ماما هو خالي مابيخلفش وسلا مش بنته؟
عيشة بصدمة: سلا قالتلك كدا
عاصي: ايوا
عيشة: دا موضوع قديم واتقفل
عاصي: يعني صح! وسلا عندها اخت هربانة
عيشة: ايوا ياعاصي واعتقد دا اللي آثر علي نفسية سلا ووصلها للحالة دي
عاصي: عايز اسمع منك
عيشة: مفيش حاجة اقولها ياعاصي سلا وسبا ولاد فاطمة وجوزها الاولاني اللي مات في حادثة وبعد موته اهلها طردوها
عاصي باستغراب: ماما بتقولي ايييه؟!!
عيشة باستغراب: اي ياعاصي؟ دا اللي قالته فاطمة ، هي سلا قالتلك اي
عاصي بشرود: هاا اه قالتلي كدا...قالتلي كدا..
________________________
تعليقات
إرسال تعليق