رواية( حلمي العاصي) - الفصلين السابع عشر والثامن عشر-بقلم ندا فرج سعد - مجلة سحر الروايات
يوم جديد..
فتحت عيناها بتعب ليقابلهما ضوء الشمس
تململت قليلاا وهي تقلب عيناها بالغرفة تحاول التذكر كيف أتت إلي السرير
ليقع نظرها علي ذاك الجالس علي كرسي بجانبها ويتحدق بها بتفحص
سلا بخضة: في اي انت قق قاعد كدا ليه وبتبصلي كدا ليه
صم--ت
سلا وقد تذكرت مادار بينهما مساء البارحة
لتتجه بنظرها الي الزواية التي حرق بها دميتها
وكان قد لملمها وتخلص بها ولكن لم يتخلص من آثار الحرق لتلتمع عيناها بالدموع وهي تنظر لآثار احتراق دميتها
عادت بنظرها له ولكن بشراسة وغضب: انت قاعد كدا ليه ياوحش ياشرير انت حرقت زمبولة انت عارف دا معايا من امتي
لتنهض بعنف تتوجه ناحيته لتقف امامه هاتفة بغضب ودموع: من وانا صغيرة خالص دول كانوا صحابي وانت حرقته
رفع نظره ناحيتها بثبات وجمود
سلا ببكاء: انت واحد شرير زي كل الناس بس انا كنت فاكراك كويس طلعت زيهم كلهم حتي ماما عيشة زيكوا سبيتني معاكي كل البشر وحوش كلكم وحوش
عاصي بثبات: ما انتي بشر!
سلا بغضب ودموع: لا انا مش زيكوا انا زي لوليتي وزمبولة مش بااذي حد
عاصي: ماشي
سلا بغضب: ماشي!! انا مش عايزة اشوفك تاني يارب ربنا يحرقك زي ماحرقت زمبولة
عاصي بصدمة: انتي بتدعي عليا كدا ياسلا؟!!
سلا: ايوا عشان يحصلك زي ماحصل لزمبولة
عاصي بغضب وهو ينهض ليقابلها: دي قلة أدب
سلا: قلة أدب اني بدعي عليك يبقي انت اكتر من قليل ادب عشان اللي عملته فيه ياشرير
عاصي بغضب وشرار يتطاير من عينيه: انا قليل الادب
سلا بخوف: اا انا بس بس
عاصي مشيرا الي الحائط: هناك
سلا باستغراب وخوف: اي؟!
عاصي بغضب: روحي اقفي هناك وارفعي ايدك ع الحيطة مش انت طفلة يبقي تتعاقبي زي الأطفال اي رايك
سلا بغضب: انا مش طفلة ومش من حقك تعاقبني كدا
عاصي بغضب وهو يقترب خطوتان منها: هتروحي ولا
لتتجه بخوف وتفعل ماطلبه وقفت وسندت يداها علي الحائط
عاصي: ابعدي ايدك عن الحيطة
نفذت ماطلب
جلس مجددا ونظر لها بجمود: كل ماهتقلي ادبك ولا لسانك اللي عايز قصه دا يطول عليا هيكون دا عقابك واضح
لا---رد
عاصي بغضب: وااااضح؟؟
سلا ببكاء: واضح
عاصي ناهضا: انا رايح مشوار قريب من هنا وجاي لو نزلتي ايدك هعرف وساعتها هتفضلي وقفة الوقفة دي ساعتين
يفتح الباب ليغادر
دقيقتان حتي فتحه مجددا
لتنظر له بهلع: خضتني!
عاصي: ماتنزليش ايدك
سلا بغضب: مش هنزلها خلاص فهمت
يغلق الباب بصمت..
_______
نجمة حبيبتي انتي كويسة؟
نطقت أروي بتلك الكلمات بدموع أبت أن تبقي حبيسة بمقلتيها
نظرت لها مطولا دون رد
أروي ببكاء: مش بتردي ليه؟ انتي تعبانة فيكي حاجة يعني
دمو---ع
أروي ببكاء: ماتعيطيش ياحبيبتي خلاص انتي بقيت هنا ومعايا رجعتي لبيتك ومروان خلا..
لم تكمل حتي بدأت تتشنج بعنف
اروي بخوف: نن نجمة اهدي انا ماقولتش حاجة
يووووسف هناااا
هنا بشهقة: انا هنادي الدكتور يشوفها
لتعود ومعها الطبيب
الطبيب للممرضة: اديها حقنة مهدئة حالا
لتنفذ الممرضة لتبدء نجمة بفقد الوعي تدريجيا
أروي: هي هيي مالها؟
الطبيب: يوسف حكالي ع اللي مرت بيها أظن انه يستحسن نشوفلها دكتور نفساني
هنا: انا دا رأيي برضوا يا أروي نجمة نفسيتها مدمرة ودا باين اووي
الطبيب: انا عندي صديق ليا ابنه دكتور هايل وأظن انه هيقدر يتعمل معاها لو تحبي ممكن اكلمهولك
اروي: ياريت طالما حضرتك واثق فيه
الطبيب: تمام
ليخرج ويتركها بين أفكارها لتتذكر باقية حديث يوسف البارحة
فلاش-باك
أروي بشهقة: دي انسانة قذ..
يوسف مقاطعاا: خليني أكملك الحكاية لسه طويلة!
أروي: كمل
يوسف بتنهيدة: مروان لما شاف حالتها كدا وطبعا مع حبه الكبير ليها صدقها فورا وبدأ يهدد والدك انه هيدفعه التمن وحاجات كدا
طبعا البت دي عشان ماتديش فرصة لوالدك انه ينكر او يدافع عن نفسها طلعت تجري وهي عاملة فيها منهارة بقا ومروان جري وراها
لكن..
اروي: لكن اي
يوسف: لكن ربنا اراد انها تاخد جزائها وخبطتها عربيه نص نقل عملتلها نزيف في المخ وشلل نصفي النص اللي فوق كله وقف مخها ولسانها وايديها فضلت في المستشفي كام يوم بعدها ماتت
وطبعا مروان قرر انه ينتقم من باباكي
اشتغل في عصابات مافيا وبقا ينفذ مهمات مقابل دمار والدك وافلاسه وحتي حادثة العربية اللي كنتي معاه فيها كان هو سببها
وبعد اتجوز نجمة وبقي يذلها شغلها في ملهي ليلي عشان يكمل انتقام من ابوكي بعد ما مات
اروي ببكاء: كله بسببها منها لله ومروان هو السبب طمان لو كان ادي نفسه فرصة يفهم اللي حصل يمكن ماكانش كل دا حصل...بس هو مات ازاي
يوسف: انتحر
اروي: اي؟!! ازاي
يوسف: لما قبضنا عليه كنا بيهلوس ويخرف بكلام غريب وكان بيضحك بشكل مش طبيعي فقرروا يعرضوها علي دكتور نفسي وقال انه عنده اضطرابات نفسية وممكن يقضي فترة علاجه في السجن
ساعاتها حاول يهرب ولما ماعرفش سحب مسدس من الضابط وهددهم ان اللي هيقربله هيقتله لكن اتفجأنا كلنا لما ضرب الطلقة في دماغه
اروي: هو خد جزاءه زي ماالبنت دي خدت جزاءها والسكرتيرة بتاعته اللي كانت بتساعده في كل بلاوي الواد اللي كانت ماشية معاه في الحرام صورها ونشر صورها ومامتها ماستحملتش الصدمة وماتت وهي اتسجنت في آداب وخدت جزاءها هي كمان
يوسف: كان لازم ياخده جزاءهم ماهو ربنا مابيسبش.
_____________
عصووووو
هتف أحدهم بتلك الكلمات عند رؤيته
عاصي بابتسامة: اي يامعلم الشغل عامل اي
الشاب: حط في بطنك بطيختين صيفي وماتشيلش هم المحل دا هيبقي أكبر محل في اسكندرية كلها بص الحيطة دي هدمنها عشان نمد المساحة 10 متر كمان وهنعمل كدا في الحيطة دي كمان
عاصي: 10 متر ليه هو كدا يبقي اكبر محل؟! بعدين انا مش عايزه محل عايزه سوق مد الحيطة 30 متر
-30؟! بس دا كدا كتير اووي وكمان هتكلفك اكتر
عاصي: مالكش دعوة بالفلوس انت مش بتاخدها اول باول وكدا عداني العيب ولا اي
-خلاص اللي انت شايفاه
عاصي: انتوا قدامك كام يوم
-هما 10 ايام بالتمام وباذن الله هتلاقي المكان جاهز ومتشطب احنا اصلا حملنا السراميك النهاردة
عاصي: تمام هجيلك تاني بكرا سلام
-سلام
______________
قومتي المحامي
ميرفت: اومال اي قومتلك محامي 10/10 هيطلعك منها زي الشعرة م العجينة
كماال بقلق: والفلوس
ميرفت بتصنع: اخس عليك ياكمال خايف علي فلوسك مني عموما ماتخافش انا يدوب هاخد منهم اتعاب المحامي وخلاص
كمال: اما نشوف وياويلك لو..
ميرفت مقاطعة: ماتبطل تهديد بقا ياكمال
بعدين بطل انفعالات انت لازم ترتاح عشان هتتعرض ع النيابة بكرا ولازم تكون جاهز كدا عشان تقدر تصلب طولك
كمال بشك: مش عارف مش مرتحالك ليه؟!
_____________________
انتي لسه واقفة عندك كدا ازاي؟!!
سلا بدموع وألم: مش انت قولتلي لو نزلتي ايدك هعرف وهوقفك ساعتين قولت النص ساعة احسن من الساعتين
عاصي بتوتر: ااا انا افت افتكرتك هتنزليهم لما اخرج اا انا اسف هما بيوجعوكي؟
سلا بدموع: بيوجعوني اي؟! دول اتكسروا اهي اهي
عاصي بحزن: معلش حقك عليا هاتي ادلكهوملك وانشاء الله هتبقي كويسة
سلا ببكاء: بس رجلي وجعتني اكتر من درعاتي اهي اهي
عاصي: خلاص ماتعيطيش هدلكهملك وهيبقوا كويسين
ليجلس نصف جلسة علي ركبة واحدة ويبدا في تدليك قدماها
لتبتسم بخبث وتهتف بنفسها بانتصار: هااههها الغبي فاكرني هفضل واقفة مايعرفش اني قعدت وكلت وشربت كمان ههاهها ولسه هوريك مين سلاا ياوحش
عاصي: هروح اجبلك اكل انتي اكيد ماكلتيش
سلا ببكاء مصتنع: ماشي
ليخرج وقد اعتلاه الحزن
وبمجرد خروجه قفزت بفرحة وهي تضم دميتها: هييييه هيييه شوفتي عملت فيه اي يالوليتي هاههها احنا كسبنا هييييه!!
________________🌸
حلمي العاصي-البارت الثامن عشر
في قاعة المحكمة...
يقف خلف القضبان ينتظر أن يبدء القاضي بااستجوابه بعد أن حكم علي المتهم السابق بالاعدام
لينتشر الرعب بااوصاله خوفا ان ينال ذات الحكم
بدء القاضي في مناقشة القضية خاصته ليبدء بااستجوابه اولاا
القاضي بجدية: انت اتقبضت عليك ساعة الواقعة يا كامل يعني صعب انك تبرء نفسك
كمال بكذب: لا والله ياحضرة القاضي انا كنت هناك اها بس ماكنتش اعرف انهم تجار مخدرات
القاضي بشك: ازاي يعني ماكنتش تعرف انت مش بقالك اكتر من 6 سنين شغال معاهم بعدين دي شركات من غير تراخيص ازاي طوال الوقت دا ماشكتش؟!
كمال بتوتر: ااا اصل دول ناس كبير وبيعرفوا يداروا الحاجات دي كويس وانا راجل غلبان علي قد نيتي ماجاش في بالي ان دا يحصل
القاضي: ماتلفش وتدور ياكمال العيال اللي كانوا معاك اعترفوا بكل حاجة
كمال بخوف: ااا انا انا ماعنديش اقوال تانية ممكن المحامي بتاعي يتفضل
القاضي: خلي الدفاع يتفضل
القاضي: هو فين المحامي؟
كمال بغضب: فييين المحامي؟
لتتقدم ميرفت بحذر: لللل لو سمحت ياساعة القاضي ممكن انا اتكلم
كمال باستغراب: تتكلمي تقولي اي؟
القاضي بغضب: ماتتكلمش تاني يامتهم
يكمل: اتفضلي..اسمك اي؟
ميرفت: اا اسمي ميرفت ابقي مرات الراجل دا يابيه
القاضي: عايزة تدلي بااعترافات
ميرفت: ااا ايوا ايوا
القاضي: قولي أقسم بالله العظيم سااقول الحق
ميرفت: اقسم بالله العظيم هقول الحق
القاضي: قولي
ميرفت: يابيه الراجل دا طوال عمره ظالم وربنا واقعه في شر أعماله من اللي عمله وهو مش بيتاجر في المخدرات بس لا دا انا مرة وقعته بلسانه وقالي انه بيتاجر في اعضاء البني ادمين كمان
وطوال عمره معيشني انا وعيالي في سواد ليل ونهار وبيأكلنا بفلوس حرآم وياما قولتله ابعد عن السكة دي ماسمعش كلامي
ارجوك ياحضرة القاضي ماتطلعوش من هنا احكم عليه بااشد حكم دا ربنا بيخلص منه اللي عمله فينا وفي الناس وفي اخوه
كمال بصدمة: اا انتي ان انتي بتقولي اي
القاضي: قولتلك ماتتكلمش من غير اذن
كمال بغضب وهستيرية: دي كدابة والله العظيم كدابة دي هي اللي عرفتني علي تجار المخدرات دول وكل مااقولها انا هتمسك تقولي ماتخافش دا احنا هنعيش فوق السحاب والله العظيم كدابة كداااابة
القاضي: عندك اي اقوال تانية
ميرفت: لا يابيه انا قولت اللي عندي
القاضي: اتفضلي...في شهود تانيين؟
كمال بغضب: ماتصدقهش ياساعة القاضي ماتصدقهاااش ابوس ايدك
القاضي: مفيش محامي دفاع جالك ياكماب
كمال: هي يابيه هي خدت فلوسي علي اساس تقوملي محامي لكن ماعملتش كدا وضحكت عليا طب ططب اسال ولادي والله هيكدبوها والله العظيم
القاضي: فين ولاد المتهم
رائف واقفا: ايوا انا
القاضي: تعالي...اسمك
رائف: رائف..رائف كمال
القاضي: قول اقسم بالله العظيم اقول الحق
رائف: اقسم بالله العظيم هقول الحق
القاضي: قول
رائف: ماعنديش حاجة اقولها غير ان كل الكلام اللي قالته والدتي هو صح
كمال بصدمة: ر..رائف!
ليضع يده علي قلبه بصدمة: اهااااا ق قل قلبي
ليحمله اثنان من العساكر..
القاضي: تؤجل الجلسة لحين الإطمئنان علي صحة المتهم..
_____________
اليوم التالي...
الفجر...
فتحت عينيها بكسل لتتثاؤب بنعاس وتمط شفتاه بتذمر طفولي ظريف
لتعقد حاجبيها بدهشة وهي تراه جالس هناك علي كرسي بزاوية الغرفة وشارد..شارد بها
خييير
نطقت بها بصوتا عالي ومتذمر
عاصي: اا اي؟!
سلا بتذمر: قاعد كدا ليه ومتنحلي
عاصي باستهزاء: متنحلك؟!! إنتي ألفاظك كلها كدا
سلا بغضب: مالها الفاظي ان شاء الله؟
عاصي: بيئة
لتنهض بغضب وتتقدم منها وعيناها تطاير منها شرر بشكل طفولي
سلا بغضب: انا بيئة يا غباوي
عاصي بااستغراب: غباوي؟! اي غباوي دي ان شاء الله
سلا: ايوا غباوي يعني جاي من الغابات وحش مفترس
عاصي: انا وحش مفترس؟!
سلا: انت شايف نفسك غير كدا دا انا كدا بظلم الوحوش انت واحد مجرم وقتال قتل قتلت زمبولة من غير مايصعب عليك ولا حتي شوية
عاصي لنفسه: دي شكلها مجنونة بجد
سلا: انت ياوحش مش بترد ليه؟
عاصي بحزن مصتنع: انا انا اسف ياسلا مش عارف انا عملت كدا ازاي مش عارف ازاي قتلت زمبولة
سلا: عشان مجرم
عاصي بتنهيدة: طب ممكن اخرجك بكرا المكان اللي عايزاه عشان تسامحني
سلا: انا مستحيل اسامحك
عاصي: عشان خاطر زمبولة الله يرحمه
سلا بتفكير: امممم ماشي عشان خاطر زمبولة بس
عاصي: ربنا يكرمك..ممكن انام بقا عشان انا مانمتش
سلا بهمس: نام نامت عليك حيطة
عاصي جازا بااسنانه: سلاااااا
_________________
12:00AM
ل..لاء لاء ماتقربش لاء لاءءءء
صرخت بتلك الكلمات وهي تعود بظهرها للخلف حتي انحصرت بزاوية الغرفة
يرد: ممكن تديني فرصة اكلمك ماتخافيش يانجمة انا دكتورة جاي اساعدك
نجمة بصرااخ: لاءءء ماتقربش ماتقربش لل لاا لاءء
دكتور: خلاص خلاص ماتخافيش انا طالع اهوو
ليخرج...
خير يادكتور هي نجمة كانت بتصوت كدا ليه هي كويسة؟
دكتور: مش عارف اقولك اي يامدام أروي هي نفسيتي مدمرة ويمكن عشان عاشت مع جوزها دا المريض وكمان الاماكن اللي كانت بتروحها معاه اكيد كانت مليانة رجالة كتير مش كويسين فهي رافضة تتعامل مع أي راجل
اروي بحزن: طط طب والعمل؟!
الدكتور: انا من رأي نخلي أول فترة في العلاج مع دكتورة نفسية لحد ماتتجاوز خوفها من الرجالة وبعد كدا نشوف هنتصرف ازاي
اروي: تمام بس اا..
دكتور: ماتقلقيش انا عارف دكتور شاطرة جدا وهي اتخرجت السنة اللي فاتت يعني قريبة في السن من نجمة واظن هتعرف تتعامل معاها وتقرب منها
اروي: طب وهي مدة العلاج دي هتبقي قد اي يعني؟ ارجوك انا مش قادرو اشوفها بالحالة دي
الدكتور: ماتقلقيش ان شاء الله مش هتطول..
______________
أمام إحدي ملاهي الأطفال..
هيييييه انا مش مصدقة انك جبتني الملاهي
عاصي: عدي الجمايل بقا
سلا بفرحة: ماشي ماشي يلا ندخل انا هركب كله مش هسيب حاجة وهدخل بيت الرعب كمان وهنجيب غزل البنات وقطر الموت هنركبه وكمان..
عاصي: خلااص حيلك حيلك انتي فيكي نفس تعملي كل دا؟
سلا: ايوا طبعا اومال اي انت مش فاهم يعني ملاهي انت كبير مش هتفهم يلاا يلاا مش عايزين نضيع وقت
لتركض للداخل..
عاصي بتفكير: أما أشوف آخرتها هتبقي اي معاكي؟
__________________
يفتح عيناه ببطي وألم..
آااهاا أنا أنا فين
نطق بااعياء ليرد أحدهم بغلظة: انت في المستشفي يامتهم بعد ما تعبت في المحكمة
كمال بتذكر: اهاا اي اي اللي حصل
العسكري: مفيش ضغطه واطي بس والدكتور قال انك هترجع الحبس اول ماتفوق يلا يااخويا مش فاضلينك قوم كدا دا انت شكلك مطول عندنا
كمال بغضب: كله من بنت الك.. كانت بتلعب من ورايا وانا نايم علي وداني لكن هتروحي مني فين هجبيك هجيبك
العسكري: انت هتكلم نفسك ولا اي ماتقوم يامتهم افندي..
________________________
هاااه شفت كنت بشقلب المرجيحة ازاي ولا العربية دا انا سواقة الله عليا وعلي مهاراتي
عاصي بااستهزاء: مهارات اي؟! اش حال لو مكانوش طردوكي عشان مش مبطلة حوادث
سلا بخجل: لا هما مش طردوني هما بس مش قادرين عليا وعلي مهاراتي ف فكدا يعني يلاا يلا ماتضيعش الوقت انا عايزة اكل غزل بنات
عاصي: ماشي تعالي ياستي هجبلك اتنين دا ان ماشيلتيش المكنة وجريتي بيها وان....
سلا مقاطعة: خلاص خلاص مش عايزة
عاصي بااستغراب: ليه؟ ومالك بتترعشي كدا ليه؟
سلا بخوف: لل لا مش في حاجة انا انا بس عايزة امشي
كانت تنطق به وعيناها مثبتة في اتجاه واحد لتتحول عيناه هو ناحيته
عاصي: مين دا انتي تعرفيه
سلا: لا لا ماعرفوش مم ماعرفوش امشي يلا نمشي
عاصي بغضب: قوليلي الاول من دا وخايفة كدا ليه انتي؟؟
سلا ببكاء: مش خايفة مش خايفة بس عايزة امشي اهي اهي ماشيني بسرعة لو سمحت
عاصي بهدوء: يلا بس هعرف كل حاجة لما نوصل البيت
_________________
تعليقات
إرسال تعليق